Ardantza bidea Zumaian, kostaldean, dagoen apartamentu zoragarria da. Etxebizitza hau Getariatik 7 kmtara, Zarauztik 12 kmtara eta Donostitik 35 kmtara dago, gainera, oso ongi komunikatuta bai garraiobide publikoarekin zein errepide azkarren bidez.

Etxebizitza hau erdigunetik eta alde zaharretik oso gertu dago, baina eraiki berria den inguruan, 2016an, zaratetatik urrun. Ardantza Bidea auzoa Euskal Kostaldeko Geoparkeko sarrera puntu nagusia da. Etxebizitzatik 7 minututara oinez flyschean egongo zaitezke, orain milioika urte dinosauroak zebiltzan inguruan edota kostaldeko itsaslabar eta kala artean. Babestutako ingurua zinema zein telebistako eszenatoki bilakatu da azkenaldian. Besteak beste, Juego de Tronos telesailak flyscha izan zuen eszenatoki, Siete Apellidos Vascos filmak San Telmo baseliza (etxetik bertatik ikusgai) eta Erribera kalea Patria filmeak, esaterako.

Zonaldea bereziki maitatua da bertakoentzat, horregatik, herria, pixkanaka handitzen ari da kale honetatik.

Ardantza Bideak denetarik du, erosotasun guztiak ditu: sukalde osatua, sofa-ohea duen sala, matrimonio ohea duen logela nagusia eta ohe bikiak dituen beste bat. Apartamenduak dutxa duen bainugela handia du, eta beste komun txiki bat. Etxeko logela guztiek kale aldera jotzen dute, mahaia eta eserlekuak dauden terrazara. Wifia etxe osora iristen da eta, aparkatzeko arazoak ekiditeko, gararaje itxia du apartamentuak (kotxe batentzako, 2,45 m.ko zabalerarekin).

Natura gustuko dutenentzat inguru paregabea da, izan ere abentura kirolak, mendi ibilbideak, txirringarekin bidaiak zein itsas-kirolak egiteko aukera eskaintzen du Zumaiak. Noski, ezin dira ahaztu hondartzak, kultur eskaintza zabala edota jatordu ederrak egiteko guneak.

Hiriburutik gertutasunak, autoz edota trenez 30 minutu inguru, Zumaia eta Ardantza Bidea etxea bereziki erakargarri bihurtzen dute.