Roke Deuna - baskeyrentals.com

Roke Deuna Getariako erdigune historikoan kokatutako apartamentu ederra da. Zarautzetik 7 kilometrotara dago, Zumaiatik 9 km eta Donostia hiriburutik 26 km-tara. Apartamentua ondo konektatuta dago garraio publikoarekin.

Roke Deunak itsasora bista zoragarriak ditu. Izan ere, egun argietan, Kantauri itsasertzeko zati handi bat ikus dezakegu.

Alde Zaharreko teilatuen gainetik irteten den eraikina da. Egongelatik, Zumaia aldera begiratuz (mendebaldean), Bizkaia aldeko kostaldea ikus dezakegu, eta logelatik(ekialdean), Donostia aldera, kostalde irregularra ikusteko aukera ematen du. Gainera, apartamentu honetan, Zarautzeko hondartzara begira gosari ikusgarriaz gozatu ahal izango duzu logelan dagoen Velux argizuloan egokituta.

Apartamentuak erosotasun guztiak ditu espazio txikian. Ohe bikoitza duen logela pribatua Veluxarekin, egongela sofa ohe batekin, sukalde irekia eta beste ohe bikoitz bat zapaitik txikienentzako. Besteak beste, apartamentuan aurkituko dituzun ekipamenduak dira; mahai-jokoak, haurrentzako jolasak, telebista, sukaldea guztiz hornitua, doako wifia, kafe kapsulak... Eguraldi txarreko egunetan, Roke Deuna aukera ona izango da lasaitzeko. Leiho zabaletik, Bizkaiko Golkoaren urei begira, kafe edo te beroa hartuz.

Inguruak gastronomia zaleentzat interes berezia du. Getaria ondo jatearen ikurra da, lehen mailako produktuak eta euskal sukaldaritza tradizionala errespetatzen dituelarik. Bere arrantza portuak, apartamentuaren oinetan, eguneroko jarduna du. Erdi Aroko kale bihurriak zentzumenentzako parke tematiko bihurtzen dute jatetxeek, munduko onenetakoen artean jotzen direnak, beren ikatz-parrillak piztu edota marinelak eguneko harrapaketa deskargatzen dituztenean, zerbitzariek txakolina zerbitzatzen duten bitartean.

Getaria munduari bira eman zion nabigatzailearen, Elkanoren, jaioterria da; baita, Cristobal Balenciagarena ere, Europako aristokraziaren moda-diseinatzailearena, herrian museo aparta duena eta apartamentutik metro gutxira.

Kirolarientzako aukerak ugariak dira zonalde honetan, uretako, aireko edota mendiko kirolak praktikatzeko.

Aipatutakoak eta beste mila xehetasunengatik, zure oporraldietarako leku aproposak izango dira Roke Deuna eta Getaria.