Bizkaiko kostaldean dago kokatuta AGIRRE etxea, Lekeition. Aguirre Solarte kaleko bostgarreneko hirugarren C-an.

Lekeitio sarrera bide nagusian eta erdigunera ematen duen kalean dago etxea; era berean, alde zaharrean egon daitekeen zaratetatik at. hori bai, parrokia eta bestelako interes puntuetatik minutu gutxira oinez.

AGIRREk denetarik du egonaldia atsegina izan dezazun: erosotasunez betetako sukaldea, dutxadun bi komun, 80zm-tako bi oheko logela bat eta 150zm-tako ohea bikoitza duen beste logela bat, zuntz optikoa, smart TVa duen sala eta argitasun naturala eskaintzen duten leiho ugari.

Lekeitio, Kantauri itsasaldeko gune pribilegiatuan kokatuta dago. Geografiak esentzia gordetzen laguntzen dio, bere izaera bermatuz. Lekeitiora iristeko, ezinbestean errepidetik egin behar da eta inguruan ditu Ondarroa (13km), Durango (35km), Bilbo (52km), Donostia (70km) eta Gernika (21km).

Lea-Artibaiko bailaran kokatuta dago Lekeitio, eta bi hondartza ditu: Isuntza eta Karraspio. Berauen frentean Garraitz irla aurkitzen dugu, itsasbera dagoenean oinez gerturatu gaitezkeen uhartea.

Lekeitioko kaleetan barrena sekulako aberastasun  arkitektonikoa aurki dezakegu, baita artistikoa, gehienetan jauregietara lotuta.

Lekeition egingo duzun egonaldia ahaztezina izango da: portuan itsasgizonak lanean ari diren bitartean, saregileak portuan josten dihardute inguruko jatetxeen parrillen arrain usain goxoez jantzitako txakolin freskoa edaten duzun bitartean.