Artabide - Baskeyrentals

Artabide etxebizitza irtirin, moderno eta minimalista bat da, Ondarroako kostaldean kokatua. Arrantza tradizioko herria da, eta portu garrantzitsua du. Bertan, herriko jatetxeek mimoz prestatzen dituzten inguruko arrainik onenak lehorreratzen dira, gozatu bertan prestatzen diren plater goxoez, legatza Ondarroako erara esaterako, edo parrillako beste edozein arrain. Aho-sabairako bikaintasun gorena. Artabide kalean dago apartamentua, kostaldetik Lekeitiora doan bidean. Auzo bizia da, dendak eta tabernak ditu inguruan eta supermerkatu bat oso hurbil. Eskailera batzuk jaitsita, herriko portuaren barruan egongo zara, eta bertan, lehorrean egiten den lan gogorraren bizitza aktiboa ikusiko duzu. Behin portuan, 5 minutuko ibilaldi txiki batean, Arrigorri hondartzarekin egingo duzu topo, eta, paseatzen jarraitu nahi baduzu, beste 10 minutu barru Saturrarango hondartzara iritsiko zara, inguruko hondartzarik onenetako batera.

Zure asmoa Euskal Herria ezagutzea bada, Ondarroa leku egokia da bere inguruko kostalde osoa ezagutzeko, Urdaibaiko Biosferaren erreserbaz gozatzeko, Gaztelugatxeko Donieneko inguruarekin liluratzeko, Picassoren Gernika margolan ospetsuaren historia eta gerra bertatik bertara gogoratzeko Bakearen Museoarekin batera, edo eta Gernikako arbolak euskaldunentzat zer esan nahi duen ulertzeko. Euskal hiriburuetara ere jo dezakezu, ordubete inguruan iritsiko zara bertara, autoz.

Fidantza nahitaez zordunduko da iritsi aurretik, ordainketa telematikoen bidez, eta kreditu-txartela ezinbestekoa izango da

Apartamentua erabat berriztatuta dago kolore neutroekin, xehetasunez zainduta, hala nola aretoan dagoen hormigoizko pareta originala edo balkoiko eltxo-sareak esaterako, eta kalitatezko materialekin egina, egur naturalarekin adibidez. Bigarren solairuan balkoi bat eta leihate handi bat daude, eta Artabide kalera ematen dute, argitasun handiarekin. Sofa zabal bat duen egongela bat, atseden hartzeko edo 4K kalitatezko Smart TV telebista handi bat ikusten gozatzeko, eta, zure kontu propioa baduzu, plataformek eskaintzen duten eduki guztiaz gozatzeko. Gainera, etxetresna elektriko berriekin eta kalitatezkoekin guztiz hornitutako sukaldea du, hala nola ontzi-garbigailua, labea, mikrouhin-labea, indukzio-plaka, eta konpainia onean janariaz gozatzeko behar den tresneria eta guztia du.

Atsedenerako, etxebizitzak bi logela ditu. Batak 1,50eko ezkontza-ohea du, armairu handi batekin eta idazmahai txiki batekin, eta, besteak, 1,35m-ko ohe bat eta balkoirako irteera zuzena. Azken batean, maitasunez birmoldaturiko etxe bat, doako WIFIrekin, igogailua duen eraikin batez eta egun zoragarriak igaroko dituzun herri bizi eta aktibo batez gozatzeko.