Zubimusu - baskeyrentals

Zubimusu hitza etxe alboan dagoen XVI. mendeko zubitik dator. Zubiaurre bezala ere ezagutzen da eta, pauso gutxitara, inguruko naturaz eta ondareaz gozatu ahalko duzu desagertutako Urolako trenaren ibilbidean. Industrializazioaren ikur izan zen trenaren errail jada imaginarioetaik, herriko historiaurrean eta erdi aroan murgilduko zara Lili Jauregiaren eta Ekaingo kobaren erreplikaren jarduera dibertigarri ezberdinekin. Pio Barojaren bizitokia izateagatik edo eta Belle Epoque garaiko turismo termalaren garrantzia ahaztu gabe, noski.

Eraberritu berri den etxebizitza baten lehendabiziko solairuan dago kokatuta. Igogailua du eta balkoi esanguratsu batetik herria inguratzen duten mendi berdeen bista paketsu ikusgarriez gozatu daiteke. Izarraitzeko mendikatearen magalean, Azpeitiatik gertu, Loiolako Santutegiaz edota Euskal Trenbidearen museoaz familian gozatzeko, eta Gipuzkoako kostatik eta Donostiatik pauso batetara dago, bertara gerturatzeko maiztasun ugariko garraio publikoa izanda gainera. Beraz, aukera paregabea etxe honetan oporraldien oinarriak ezartzeko.

Sarrera modu digitalizatuan egingo da, eta sartu aurretik App bat deskargatu beharko da ateak irekitzeko eta sartu aurretik check ina egitea beharrezkoa izango da giltza aktibatzeko. Fidantza bat ere eskatuko da sartu aurretik ordaintzea derrigorrezkoa izango dena.

Etxebizitza 5 pertsonentzat dago egokituta eta maitasun askorekin dago eraberrituta estilo afrantsesatuan. Kolore arrosak, grisak… eta paretak lorez apainduriko xehetasunekin dekoratuta dago. Bi logela eta bi komun ditu eta familia batentzat aproposa da. Etxeko nagusienak eroso sentitu daitezen 1,80m zabalerako logela bat du dutxadun komun pribatuarekin, eta, naturaz gozatzeko duen balkoira sarrera zuzenarekin. Etxeko txikienentzat habi-ohe bat dago 0,80 mtakoa, guztiak ere kanpo aldera ematen dutenak armairu zabalekin. Ohe hau extensiblea da eta 1,60mko ohe bezala gelditzen da, egongelako sofá bezala, sofa-ohe bikoitz bat bezala gelditzen delarik. Bertan merezitako deskantsuaz gozatzeko, sofa bera eta bi aulki eroso ditu smart telebista batekin. Eta gainera, guztiz hornituta dagoen sukalde bat du etxetresna berriekin eta beste komun bat bainerarekin. Beharrezko guztia etxe berritu batetaz gozatzeko.